Veprimi skandaloz është investiguar nga “zëri.al”, ndërsa përmbajtja e palejuar shpërndahet kryesisht në një grup privat me 53,369 anëtarë momentalisht.
Materiali pornografik publikohet në çdo orë të ditës për audiencën maniake e pedofile, pasi nuk mungojnë foto e video minorenësh, kërkohen punonjëse seksi apo eskorta dhe porositen baste.
Njëri prej pedofilëve ka shpërndarë në grup pamje të një vajze 8-vjeçare me të cilën bisedonte për ta futur në kurth, ndërsa anëtarët e etur të grupit nuk hezitojnë të kërkojnë më shumë.
“Sa i kam kërku këto me fëmijë“,-shprehet njëri prej tyre.
Në një tjetër grup me 52 mijë anëtarë, të pranishmit debatonin për një video të publikuar më herët por të fshirë nga vetë admin-i, ku bëhej fjalë për pamje të aktit seksual të një pedofili me një të mitur. Audienca ishte revoltuar për fshirjen dhe e kërkonte videon sërish.
Preja tjetër, më e preferuara, janë pamjet që u dërgojnë partneret. Një çift normal ku vajza i dërgon foto partnerit përfundon në këto kanale ku të gjithë ushqejnë fetishet e tyre me imazhet e njerëzve të zakonshëm.
Personat në këto faqe paguajnë për të marrë foto të vajzave “VIP”, zakonisht në plazh, për t’i edituar si nudo, e më pas për t’i shpërndarë me audiencën që i pret. Madje, bëjnë edhe kërkesë kolektive, ku me anë të sondazheve, publiku vendos se kë do të shohë nudo.
Përdoruesit mund të bien në kontakt me materialin pornografik vetëm nëpërmjet ekranit të kompjuterit, pasi Telegram i ka shënjuar këto grupe me ‘njollë të kuqe’ dhe asnjë informacion s’mund të shihet nga telefoni, megjithatë këto grupe s’janë pezulluar. Por, kjo nuk i pengon aspak maniakët dhe pedofilët shqiptarë të ushtrojnë aktivitetin dhe të duartrokasin njëri-tjetrin për abuzimet dhe perversitetet më të poshtra e të ndyra!
