Ka skaduar sot afati prej dhjetë ditësh që Fryma e Re Demokratike të lirojë godinën. Kryetari i kësaj force politike, Sali Shehu ka mohuar lirimin e zyrave duke i bërë thirrje kryetarit të bashkisë Erion Veliaj, të mos sillet si kryetar partie.
Në një deklaratë për media gjatë paradites së sotme, Shehu tha se çështja është ende në gjyaktë dhe ende nuk ka një vendim të formës së prerë, ndërsa theksoi se qëndrimin në zyrë ia garanton ligji.
“I bëjmë thirrje, bashkisë, ambasadave dhe institucioneve se jemi në rrugën e ligjit, presim vendimet e gjykatës. Do vazhdojmë fushatën dhe jemi në selinë tonë. Çështja është në gjykatën e shkallës së parë që u shty për shkak të dy padive në një të vetme”, tha Shehu.
REAGIMI:
“Ne kemi depozituar një kërkesë në Gjykatën Administrative për të ndaluar aktet e paligjshme të bashkisë. Kjo është një procedure rutinë që e ndjek gjykata. Ne kemi dorëzuar sot edhe padinë për shqyrtimin e kësaj çështje në themel, që kërkon ndalimin e aktive të paligjshme të bashkisë. Kjo kërkesa e jone e bashkuar bashkë me masën e sigurisë do të shqyrtohet brenda 5 ditëve.
Jemi në fushatë zgjedhore, po vazhdojmë fushatën. Unë garantoj që fushata do shkojë mirë dhe FRD do ketë rezultate spektakolare.
“Ne kërkojmë dhe do t’ia bëjmë me dije institucioneve të bashkisë, madje i bëj thirrje Veliajt mos sillet si kryetar partie por si kryebashkiak. I bëjmë thirrje, bashkisë, ambasadave dhe institucioneve se jemi në rrugën e ligjit, presim vendimet e gjykatës. Do vazhdojmë fushatën dhe jemi në selinë tonë. Çështja është në gjykatën e shkallës së parë që u shty për shkak të dy padive në një të vetme”, tha Shehu.
