Situata e virozave këtë dimër është kritike, me një rritje të rasteve dhe fluks të shtuar pacientësh, veçanërisht në qarkun e Beratit, ku janë shënuar shumë raste të virozave që po trajtohen në Pediatri, Urgjencë dhe Repartin Infektiv.
Mjekja infeksioniste, Valbona Papa, konfirmoi se qarkullon “Gripi A”, ndërsa përjashtoi mundësinë e infeksionit nga Covid.
Disa pacientë po marrin trajtim në shtëpi, ndërsa të tjerë janë shtruar në spital për komplikacione.
Situata është problematike edhe në rrethe të tjera, me një rritje të vaksinimeve, ku janë shtuar 7 mijë doza më shumë në Fier dhe Mallakastër krahasuar me vitin e kaluar.
Mjekja epidemiologe Anila Moçi këshillon pensionistët dhe ata me probleme kardiake të shmangin grumbullimet kolektive.
