Është përkeqësuar situata epidemisë në vend, ku prej ditësh është shënuar një numër i lartë i të infektuarve.
Gjatë 24 orëve të fundit, kanë rezultuar pozitivë me koronavirus 48 persona, ndërsa janë shëruar vetëm 5 pacientë.
Siç raporton MSH, në Spitalin Infektiv vijon të ketë shtrime të reja të të infektuarve, shumica e të cilëve gjatë ditëve të fundit janë simptomatikë dhe aktualisht, tek Infektivi janë shtruar 52 pacientë, 7 prej të cilëve janë në terapi intensive dhe 1 i intubuar.
“Shpërndarja e rasteve të reja është si vijon: 24 raste në Tiranë, 8 në Krujë, 4 në Durrës, 3 në Fier, 2 Lezhë, 2 Pukë, 3 Kamëz, 1 Gjirokastër, 1 Elbasan. Gjatë 24 orëve të fundit janë shëruar 5 qytetarë dhe aktualisht më shumë se 70% e të prekurve që nga fillimi i epidemisë janë shëruar. Por vijon të ketë shtrime të reja në spitalin infektiv. Aktualisht në spitalin infektiv po marrin shërbim 52 pacientë, prej tyre 7 janë në terapi intensive dhe një i intubuar. Në vendin tonë janë aktualisht 389 persona aktivë me COVID19, kryesisht në Tiranë, Shkodër, Krujë”, njofton MSH.
Shpërndarja e rasteve të reja është si vijon: 24 raste në Tiranë, 8 në Krujë, 4 në Durrës, 3 në Fier, 2 Lezhë, 2 Pukë, 3 Kamëz, 1 Gjirokastër, 1 Elbasan.
Ditët e fundit është vënë re rritje e numrit të rasteve në disa aktivitete biznesi, në institucione të ndryshme, në pjesëmarrje në ceremoni mortore dhe grumbullime.
Kujtojmë se disa ditë më parë kryeministri Rama tha se nëse shifrat vijojnë në rritje atëherë do rikthehemi pas dhe do vendoset karantina, po ekspertët e kanë përjashtuar një mundësi të tillë.
