Problemet nga rreshjet e shiut në qytetin e Vlorës vazhdojnë ende. Vetëm disa orë shi kanë bërë që qyteti bregdetar të përmbytet dhe shumë akse të mbulohen nga uji duke vështirësuar kështu edhe kalimin e automjeteve.
Lagjet që janë bllokuar janë: “28 Nëntori”, zona e “Skelës”dhe lagjja “Pavarësia”.
Probleme nuk kanë pasur vetëm automjetet, por edhe kalimtarët, të cilët e kanë pothuajse të pamundur kalimin. Situata pritet të përkeqësohet për shkak të vazhdimësisë së rreshjeve të rendura të shiut në pothuajse gjithë zonën.
Në këtë situatë problem ka pasur edhe me energjinë elektrike, ku Radhima dhe Orikumi janë aktualisht në errësirë.
Autoritete lokale sqarojnë se pompat e nënstacionit të hidrovorit janë në punë në kapacitet të plotë.
