Situata pandemike në vendin tonë është duke u përkeqësuar ditë pas dite teksa sistemi shëndetësor po bie në kolaps. Mësohet se spitali “Shefqet Ndroqi”, spitali COVID-2 nuk do të pranojë më pacientë të rinj të infektuar me koronavirus. Kjo për shkak se tashmë kapacitetet janë mbushur dhe që të hyjë dikush, duhet që një pacient që është aktualisht i shtruar, të vdesë ose të shërohet.
Kjo është situata më e rëndë që prej fillimit të pandemisë në vendin tonë në mars të vitit të kaluar. Prej një javeshifrat vazhdojnë të mbeten të larta dhe raportohen më shumë se 1 mijë raste ditore. Vetëm ditën e djeshme ka pasur 1088 raste positive dhe 12 humbje jete nga virusi. Ndërkohë, tashmë do të fillojë te praktikohet edhe skenari i radhës, hapja e spitaleve COVID nëpër rrethe. Ministrja e Shëndetëssië, Ogerta Manastirliu njoftoi ditën e sotme në Kuvend se do të hapen spitalet e para në Durrës e në Shkodër, ndërsa e njëjta gjë do të ndodhë më vonë në Korçë, Elbasan e Vlorë.
Ndërkohë, procesi i vaksinimit në vendin tonë po ecën me ritme tepër të ngadalta edhe pse kryeministri Rama lajmëroi më herët mbërritjen e më shumë se 7 mijë dozave nga kompania Pfizer. Në terma praktikë kjo do të thotë se do të injektohen vetëm gjysma e këtyre, pasi vaksinimi kërkon dy doza.
