Pandemia e Covid-19 po bën “gjëmën” edhe në Elbasan, ku ka arritur të depërtojë në disa institucione, përfshirë edhe në spitalin psikiatrik “Sadik Dinçi”.
Bëhet me dije se vetëm gjatë orëve të fundit janë konfirmuar 10 pacientë të infektuar me koronavirus në këtë spital.
Mësohet se disa infermierë gjithashtu janë në pritje të tamponit, për shkak të kontaktit me pacientët e infektuar.
Kujtojmë se Elbasani është njëri prej qyteteve me situatën më të rënduar për shkak të Covid-19, duke përfshirë mësues dhe edukatorë të prekur me koronavirus.
Sakaq së fundmi janë regjistruar 602 raste pozitive dhe 8 humbje jete nga Covid-19 në Shqipëri./GazetaReforma.com/
