Virozat sezonalë dhe gripi kanë shkaktuar mbingarkesë në qendrat shëndetësore dhe në Urgjencën e Spitalit të Elbasanit, ku mbi 200 persona kërkojnë ndihmë mjekësore çdo ditë.
Mjeku Ergys Mici, shef i Urgjencës, tha se qytetarët paraqiten me temperatura të larta, rrufë dhe vështirësi në frymëmarrje, ndërsa rastet më të rënda po trajtohen në spital.
“Kemi ndryshimin e klimës dhe periudhë virozësh stinore, ku paraqitja në urgjenca është më e shtuar, më shumë se 200 raste brenda 24 orëve. Nga këto kemi raste me simptoma me temperaturë të lartë, rrufë, vështirësi në frymëmarrje, ndër këto kemi pasur edhe raste të cilët kanë nevojë për hospitalizim. Megjithatë situata nuk është alarmante. Duhet treguar kujdes në ruajtjen , duhet të paraprijmë, të bëjmë vaksinat duke ulur mundësinë e prekjes. Edhe festat e fundvitit kanë ndikuar në përhapjen e virozëve stinore.
Grupi më i rrezikuar janë moshat e treta dhe të sëmurët kronikë, të cilët kanë nevojë edhe hospitalizim”, tha ai.
