Vazhdon të jetë dramatike situate e përmbytjeve në provincën Henan të Kinës, ku të paktën 25 persona kanë humbur jetën. Pjesa më e madhe e viktimave kanë qenë në një linjë metroje që mbeti e bllokuar në kryeqytetin Zhengzhou.
Më shumë se 100 mijë njerëz janë evakuuar, teksa linjat hekurudhore dhe transporti rrugor janë ndërprerë. Digat dhe rezervuarët janë rritur në nivele paralajmëruese dhe mijëra trupa po marrin pjesë në përpjekjet e shpëtimit në provincë.
“Të paktën 25 njerëz kanë vdekur në reshjet e rrëmbyeshme që kanë goditur provincën që nga fundjava e kaluar, me shtatë të zhdukur”, thanë zyrtarët në një konferencë shtypi të mërkurën.
Media tha se të vdekurit përfshinin katër banorë të qytetit Gongyi, të vendosur në brigjet e Lumit të Verdhë si Zhengzhou, pas shembjes së përhapur të shtëpive dhe strukturave për shkak të shirave.
Më shumë shi parashikohet në të gjithë provincën Henan për tre ditët e ardhshme, dhe Ushtria Çlirimtare e Popullit ka dërguar më shumë se 5,700 ushtarë dhe personel për të ndihmuar në kërkimin dhe shpëtimin.
Shumë shërbime trenash u pezulluan në të gjithëprovincën , një qendër logjistike me një popullsi prej rreth 100 milion banorësh. Autostradat gjithashtu janë mbyllur dhe fluturimet janë vonuar ose anuluar. Rrugët u përmbytën rëndë në një duzinë qytetesh të provincës.
Presidenti i Kinës, Xi Jinping tha në një deklaratë të transmetuar nga televizioni shtetëror se përpjekjet për parandalimin e përmbytjeve janë bërë shumë të vështira.
