Fqinji ynë jugor, Greqia, është duke kaluar një situatë tepër të vështirë për shkak të pandemisë së covid-19.
Ministria greke e Shëndetësisë, ka bërë përditësimin zyrtar të 24 orëve të fundit, ku janë regjistruar mbi mbi 2100 raste të reja dhe 89 vdekje nga covid-19.
Ndërkohë 8 raste të reja me koronavirus janë zbuluar në pikat hyrëse kufitare të vendit fqinj.
Numri i përgjithshëm i rasteve është 109655, nga të cilat 52.9% janë burra. 4949 (4.5%) konsiderohen të lidhura me udhëtimet nga jashtë.
613 qytetarë grekë po trajtohen me intubim. Mosha e tyre mesatare është 65 vjeç. 175 (28.5%) janë gra dhe pjesa tjetër janë burra. 76.2% e pacientëve të intubuar kanë një sëmundje themelore ose janë të moshës 70 vjeç e lart.
Krahasuar me dje ku ishin 2199 raste, sot kemi një ulje të vogël të infektuarve, por edhe viktima, pasi 24 orët e kaluara ishin 111, sot 89./GazetaReforma.com/
