Pas rritjes alarmante të rasteve të reja dhe vdekjeve nga Covid-19, Ministri i Shëndetësisë së Greqisë, Vassilis Kikilias, ka paralajmëruar këto ditë një mbyllje totale të Greqisë për rreth një muaj.
Ministri Kikilias ka deklaruar se vendi po hyn në një bllokim total për një muaj, pasi kushtet epidemiologjike po përkeqësohen në vend dhe sistemi Kombëtar i Shëndetësisë po përballet me presion në rritje dhe rrezikon kolapsin.
Sipas Ministrit të Shëndetësisë, Kryeministri dhe qeveria pranuan rekomandimin përkatës të ekspertëve të sëmundjeve infektive, ndërsa theksoi se njoftimet për masat e reja do të bëheshin nga Mitsotakis të enjten në mëngjes, së bashku me shefin e grupi specialist, profesor Sotiris Tsiodras.
Sipas rekomandimeve të paraqitura nga Komiteti i Ekspertëve, vetëm shkollat fillore do të mbeten të hapura, ndërsa shkollat e mesme dhe licetë do të mbyllen.
Kikilias tha për televizionin Ant1-Tv, se se vendimi u mor pas komunikimit që ai kishte me Komisionerin e Shëndetësisë St. Kyriakidou dhe Drejtorin e Përgjithshëm të Qendrës Evropiane për Parandalimin dhe Kontrollin e Sëmundjeve (ECDC) Dr. Andrea Ammon./GazetaReforma.com/
