Kryeministri Edi Rama është duke zhvilluar një konferencë për shtyp në Kryeministri, së bashku me ministrin e Rindërtimit, Arben Ahmetaj dhe atë të Shëndetësisë, Ogerta Manastirliu, me temën “Ekonomia në Fokus”.
Gjatë fjalës së tij, duke prekur problematikën e spitaleve si dhe akuzat e opozitës, Rama ka shpjeguar rastet e vetëvrasjes të të infektuave nga pandemia e koronavirusit.
Ai u shpreh se fenomeni i vetëvrasjes, nuk ndodh për shkak të kushteve në spitale, por janë efekte të infektimit nga pandemia. Sipas kryeministrit, akuzat e opozitës nuk qëndrojnë pasi raste të tilla kanë ndodhur edhe në botë.
“Shpresat e lodhura për pushtet i kanë mbështetur tek ëmdrra e një katastrofe mjekësore. Janë brë zëdhënës të panikut, çorodisë dhe pesimizmit të fabrikuar për të krijuar sa më shumë dëshpërim në popull, përmesa sajesave që dëmton moralin e mjekëve dhe infermierëve.
Është e pajustifikueshme me asgjë që t’u thuhet njerëzve që spitalet janë në kolaps. Edhe mund të ishin por nuk janë. Njerëzit dergjen dyshemeve por nuk është e vërtetë. Nuk është e vërtetë që mjekimi bëhet në autoambulanca, falë ndihmave të ndonjë media që e ka raportuar këtë. Qeveria po vjedh prandaj numri i infektimeve dhe vdekjet po rriten. Është absurde.
Fakti është që numrat po rriten kudo. Po vjedh kancelarja gjermane? Po vjedh presidenti dhe qeveria franceze? Është absurd që nuk vjen nga paditura, por qëllim dashakeq për të armiqësuar njerëzit me qeverinë. Vulgare dhe e dënueshme për një pushtet që nuk kanë shans ta rimarrin. E kishin dhe e shpërdoruan.
Nuk na gjeti virusin me qeverinë që na lanë ata. Nuk i gjeti pavioënt pa çarçafë dhe batanije. Nuk i gjeti të sëmurët pa aspirina në spital, lëre pastaj me protokolle. Atëherë do të kishim parë ç’do të thotë tragjedi kombëtare. Si mund të gënjehet në këtë farë feje?”, ka thënë Rama në konferencë përpara gazetarëve./GazetaReforma.com/
