Sipas vendimit më të fundit të qeverisë Conte 2, Italia do të vendoset e gjitha në karantinë për shkak të covid-19 për festat e fundvitit.
Si pasojë qytetarët italianë nuk do të kenë mundësi të lëvizin nga një rajon në tjetrin për festat e fundvitit.
Pas mbledhjes në Këshillin e Ministrave, kryeministri Italian Giuseppe Conte deklaroi se është marrë vendimi që nga data 24 dhjetor deri në 6 janar Italia të jetë “zonë e kuqe”.
“Ne mbajtëm kurbën e infeksionit nën kontroll dhe kjo na lejoi të shmangim një bllokim të që do të kishte qenë shumë i dëmshëm për vendin tonë. Këto ditë të gjitha rajonet mund të hyjnë në zonën e verdhë për shkak të rënies së indeksit RT, por situata mbetet e vështirë në të gjithë Evropën, numrat po rriten, virusi vazhdon të përhapet, bëhet i përkulur, por ekziston një frikë në periudhën e Krishtlindjes për shkak të dëshirës së fortë për t’u shoqëruar me njërëzit e afërt.
Ne duhet të marrim masa tani për kalimin e festave, në funksion të rimëkëmbjes së janarit. Për këtë është nxjerrë një dekret ligjor, i cili parashikon zonën e kuqe nga 24 dhjetori deri më 6 janar.
Në këto ditë (24, 25, 26, 27, 31 dhjetor dhe më pas 1, 2,3,5 dhe 6 janar) nuk do të jetë e mundur që qytetarët të zhvendosen nga një rajon në tjetrin, por do të jetë e mundur të dalin vetëm për arsye pune, nevoje dhe shëndeti”, tha kryeministri Conte.
Kryeministri deklaroi se qeveria ka gati një fond prej 645 milion eurosh për restorantet dhe varet që do të detyrohen të mbyllen për festat.
“Kemi aktivizuar masat e ndihmës së drejtpërdrejtë përveç ndalimit të disa taksave. Ne kemi një shpërblim të menjëhershëm prej 645 milion euro për restorantet dhe baret që do të detyrohen të mbyllen”, tha ndër të tjera kryeministri Italian./Gazetareforma.com/
