Situata në Afganistan vazhdon të jetë problematike, mijëra afganë, mes tyre edhe presidenti, Ashraf Ghani, nxituan në aeroportin në Kabul në përpjekje për të ikur nga Afganistani, pasi talebanët morën kontrollin e kryeqytetit.
Kancelarja e Gjermanisë , Angela Merkel ka reaguar sërish me situatën e rënduar në Afganistan, pasi u shpreh se shteti gjerman do të ndihmojë mbi 10 mijë afganë.Kancelarja ka bërë fajtor Perëndimin,për situatën aktuale aty dhe u shpreh se ndërhyrja nga ana e tyre nuk ka qenë frytdhënëse.”
Ndërhyrja perëndimore në Afganistan, ku talebanët kanë rimarrë pushtetin, nuk ka qenë aq “frytdhënëse” dhe e mjaftueshme sesa shpresohej, pavarësisht goditjeve që nga viti 2001 kundër organizatës Al-Kaeda” tha sot kancelarja gjermane Angela Merkel.
Ajo ndër të tjera ka shtuar se Al-Kaeda tashmë nuk mund të bëjë më sulme kundër SHBA-së nga Afganistani, siç bëri më 11 shtator të 2001 dhe pranoi se nuk ka qenë gjithçka aq e suksesshme që pas asaj kohe.
“Tashmë dihet se Al-Kaeda nuk mund të kryejë më sulme kundër SHBA-së nga Afganistani,siç bënë më 11 shtator 2001, por gjithçka që pasoi nuk ka qenë aq e suksesshme dhe nuk është kryer siç e kishim planifikuar. Duhen nxjerrë mësime nga ky operacion, që zgjati dy dekada. Gjithashtu, ne duhet të vendosim synime më modeste, mendoj, në këtë lloj misioni”- shtoi ajo.
Ndër të tjera ajo ka pranuar se nuk priste që ofensiva e talebanëve të ishte kaq shpejt e suksesshme: “Ne e gjykuam gabim përparimin e trupave talebane”.
