Kryeministri i Mbretërisë së Bashkuar, Boris Johnson iu ka bërë thirrje urgjente udhëheqësve të G7-ës, për të mbajtur një telekonferencë lidhur me situatën e përkeqësuar në Afganistan.
Po ashtu mësohet se në një bisedë telefonike të zhvilluar me Presidentin Francez, Emmanuel Macron të dy udhëheqësit kanë rënë dakord që Britania e Madhe dhe Franca do të punojnë së bashku me Shtette e Bashkuara, Këshillin e Sigurimit të Kombeve për një rezolutë të përbashkët. “Unë mendoj se të gjithë u befasuan nga shpejtësia me të cilën talebanët erdhën në pushtet në Afganistan,” tha më herët Sekretari i Jashtëm Britanik Dominique Raab më herët në një fjalim televiziv. Vendet perëndimore po diskutojnë se si të zgjidhin situatën në Kabul, ku mijëra që dëshpërimisht duan të largohen nga vendi i tyre, janë vërshuar në aeroporte pasi talebanët morën kontrollin e kryeqytetit.
Kujtojmë se mijëra afganë, mes tyre edhe presidenti, Ashraf Ghani, nxituan në aeroportin në Kabul në përpjekje për të ikur nga Afganistani, pasi talebanët morën kontrollin e kryeqytetit. Në kaosine e krijuar në aeroport, tre persona fatkeqësisht humbën jetën.
Rreth 30,000 qytetarë afganë janë larguar nga vendi çdo ditë gjatë 10 ditëve të fundit, shumica prej tyre udhëtojnë në Iran ose Pakistan me rrugë tokësore.
