3 muajt e ardhshëm do të jenë më të vështirët për vendin tonë, s ai përket situatës pandemike. Kështu është shprehur sot mjeku i njohur Arben Gjata, përmes një interviste televizive.
Mjeku tregoi se, shifrat janë në rritje, por që ende nuk janë ezauruar kapacitete spitalore dhe se pritet të hapen COVID 3 dhe COVID 4. Ndërsa tregoi se po përgatiten edhe disa spitale rajonale për skenarin më të keq, Gjata tha se kjo do të jetë edhe sfida më e vështirë për sistemin shëndetësorë në vend.
” Në tre muajt e ardhshëm do të jenë muajt më kritik dhe sfida më e madhe që mjekësia shqiptare do kalojë në historinë e saj. Duke u rritur numrat, duke i rritur shtrimet në spital, natyrisht rritet edhe numri in vdekjeve. nuk ka lidhur fare kjo me PD apo me PS. Armiku ynë në këto momente është vetëm COVID. Që numrat vazhdojnë të rriten do të thotë që jemi në situatë kritike.
Numrat janë më të mëdha sesa ato që dalin në tampone, sepse njerëzit nuk shkojnë për të bërë tamponin. Në momentin që flasim ka ende kapacitete spitalore të paezauruar, ku fillimisht kishim COVID 1 dhe COVID 2, tani është hapur COVID3 që ka edhe 45 shtretër të tjerë dhe më pas kemi COVID 4. Nëse të gjitha këto ezaurohen kemi edhe 5 spitale rajonale që janë në gatishmëri”, tha Gjata.
Nga ana tjetër ai u shpreh se mjekimi në shtëpi i koronavirusit po bëhet në mënyrë të gabuar. Sipas tij përdorimi i antibiotikëve nga shqiptarët është një zgjedhje që dëmton shumë. Sakaq ai u bëri thirrje qytetarëve që, në fazat e para të sëmundjet kur nuk ka simptoma duhen përdorur vitaminat C, D, Zinku dhe ushqimi i shëndetshëm, ndërsa komunikimi m e mjekun e familjes nuk duhet të mungojë.
“Një nga problemet e mëdha është kërkimi i antibiotikut direk, fillimisht duhet të bisedohet me mjekun e familjes dhe një person me simptoma të lehta duhet të marrë vitaminë C dhe D, zink, por jo antibiotik, ushqimi i shëndetshëm.
Nëse temperatura zgjatet për disa ditë hyn opsioni i antibiotikut dhe se kush duhet përdorur e vendos mjeku i familjes. Kortizonikët përdoren vetëm kur ka vështirësi në frymëmarrje. Disa qytetarë fillojnë që ditën e parë antibiotikët, por në fakt ulin imunitetin e tyre, kur në fakt duhet të komunikohet me mjekun e familjes”, shpjegoi mjeku.
