Situata me zjarret në vendin tonë mbetet problematike, flakët po përhapen me shpejtësi edhe në zona të banuara, të favorizuara edhe nga temperaturat e larta që kanë përfshirë vendi tonë, por edhe nga hera e cila ndihmon në përhapjen e flakëve.
Me anë të një postimi në rrjetet sociale, kryeministri Edi Rama ka publikuar një video ku shfaqen imazhet e punonjësve të Forcave të Armatosura dhe zjarrfikëseve të cilat po përballen me flakët në jug të vendit. Gjithashtu Rama ka njoftuar se janë shtuar forcat e ndërhyrjes nga toka në Gjorm ku dhe situata paraqitet kritike, pasi flakët kanë përfshirë disa banesa. Po ashtu vazhdon edhe mbështetja nga ajri për të bërë të mundur lokalizimin e flakëve të cilat favorizohen nga erërat.
Ndër të tjera kryeministri i vendit ka nënvizuar se prioriteti kryesor është evakuimi i banorëve që mund të rrezikon nga flakët.
Statusi i plotë i Ramës:
Po shtohen forcat e ndërhyrjes nga toka në Gjormë në zonën e lumit të Vlorës, ndërkohë vazhdon shuarja e zjarrit nga ajri, ku deri në këto momente ndërhyrja e helikopterit në Gumenicë ka arritur të largojë flakët e paparashikueshme prej erës që mund të preknin banesat.
Prioriteti kryesor mbetet evakuimi i banorëve të cilët duhet të veprojnë sipas urdhërave të strukturave të Mbrojtjes Civile për evakuim.#RESPEKT
