Ditën e sotme Kryetari i Partisë Demokratike, Sali Berisha, gjatë një deklarate për mediat i ka drejtuar dy kërkesa qeverisë. Kërkesat e Berishës ishin përgjysmimi i menjëhershëm i taksimit të naftës, si dhe të subvencionohen urgjent biletat e transportit urban dhe interurban.Njëkohësish me Berishën edhe Partia tjetër opozitare Partia e Lirisë e drejtuar nga Ilir Meta i ka drejtuar disa kërkesa qeverisë së Edi Ramës. Po si Berisha kërkesat kishin të bënin me çmimet dhe situatën e vë2shtirë ekonomike të qytetarëve.
Sali Berisha: Po rrënojnë buxhetet familjare, dhe ajo që po e ndjen fuqishëm për fat të keq është sektori i turizmit. Në këto rrethana emergjente, PD kërkon vendosjen e menjëhershme të subvencionimit të plotë të të gjitha bileta të transportit urban dhe interurban. Ky propozim nuk është i pabazuar, por është i bazuar në një praktikë të cilën kanë vendosur një seri vendesh europiane.
Së dyti PD kërkon përgjysmimin e menjëhershëm të taksimit të naftës i cili në vendin tonë në vlerën 1.1 euro është më i larti në botë.
E di që Rama me arrogancë nuk do t’i pranojë por e garantoj se qytetarët me revoltën e ardhshme do të vendosin për këto kërkesa dhe kërkesa të tjera të programit të emergjencës së PD.
