Qytetarët në doganën e Qafë-Thanës janë prej orësh të bllokuar nga bora dhe askush nuk i ka ardhur në ndihmë. Teksa në gjithë vendin tonë ka pasur probleme me qarkullimin, asnjë institucion nuk është kujtuar të jap një zgjedhje, por vetëm kanë bërë shfaqje në rrjetet sociale me në krye ministren Belinda Balluku. Më herët u raportua se rruga në Qafë-Thanë është bllokuar nga tre automjete që drejtuesit e tyre i kanë braktisur, ndërkohë borëpastruesja nuk ka mbërritur ende për të pastruar rrugën prej dëborës e cila arrin deri në 1.5 metër te “Kthesa e Tetovarit”.
Veçse është bllokuar aksi, është bllokuar edhe pika kufitare duke bërë që të presin në radhë me dhjetra qytetarë për shkak të motit të keq. Prej më shumë se tetë orësh qytetarët presin mes të ftohtit dhe erës së fortë. Ndërkohë, mes tyre ka edhe gra e fëmijë. Ata ende janë në pritje të borëpastrueseve, që edhe pas 8 orësh nuk kanë shkuar, ndoshta sepse ministrja Balluku mund t’i ketë përdorur për inskenimin e radhës për të na bindur që situata është nën kontroll. Aksi Qafë Thanë – Pogradec është me akull dhe kalohet me zinxhirë. Ndërkoë, gjendja paraqitet më e rëndë, në aksin që të çon për në Qafë Thanë.
