Organizata Botërore e Shëndetësisë ka njoftuar se javën e kaluar pati 3,3 milionë raste të reja me Covid-19 në të gjithë botën, gjysma e të cilave në Europë.
Në një deklaratë OBSH tha se Europa ka hasur një rritje të numrit të vdekjeve të reja.
”Europa ka hasur një rritje të numrit të vdekjeve të reja, të barabarta me 46% më shumë krahasuar me javën e kaluar.Që nga fillimi i pandemisë, ka pasur një rritje në përqindjen e rasteve të konfirmuara në grupet e popullsisë së re dhe një rënie në përqindjen e raste në njerëz të moshës 65 vjeç e lart”, theksoi organizata.
Amerika dhe rajoni mesdhetar gjithashtu kanë parë rritje relativisht të vogla në numrin e rasteve të raportuara. Ndërkohë rajoni i Azisë Jug-Lindore ka vazhduar të raportojë një rënie të rasteve të reja dhe viktimave.
