Pasditen e sotme Kryedemokrati Lulzim Basha është pritur me ovacione nga demokratët në nisje të mbledhjes së Këshillit Kombëtar të PD.
Basha, shihet teksa përshëndet anëtarët e pranishëm me dy gishtat ngritur, përshëndetje kjo, që u kthye edhe nga demokratët. Vlen t përmendet se është formuar kuorumi i nevojshëm për mbledhjen e Këshillit.
Nga vendimet që pritet të ndërmerren është shkarkimi i kryetarit aktual të Këshillit Kombëtar, Edi Paloka, si dhe shkarkimi i 11 anëtarëve, duke i zëvendësuar këta të fundit me të tjerë emra.
Gjatë mbledhjes së Këshillit Kombëtar të PD, pritet të miratohet një rezolutë, që lidhet drejtpërdrejt me situatën aktuale në parti.
Gazetari Osman Stafa, raporton për “Balkanweb”, se rezoluta dënon lëvizjen e djeshme të mbledhjes së Kuvendit Kombëtar dhe afirmon 18 dhjetorin, mbështet kryetarin aktual, kryesinë dhe grupin parlamentar.
Teksa ka prezantuar rezolutën, Basha mësohet të ketë thënë:
Dje u themelua organizata e parë antiamerikane në 30 vite, pas asaj të Enver Hoxhës.
Po ashtu, dje, Kryesia e Partisë Demokratike, ka shkarkuar kryetarët e degëve në Tropojë, Shijak, Fushë-Krujë, Tirana 1, Tirana 3, Tirana 9, Paskuqan, Devoll, Kolonjë, Vlorë dhe Gjirokastër.
Kujtojmë se dje më 11 dhjetor u mbajt gjithashtu Kuvendi Kombëtar nga ish-kryeministri Sali Berisha i cili vendosi shkarkimin e Kreut të Partisë Demokratike Lulëzim Basha ku sipas tij tanimë është i shkarkuar.
