4 kompanitë e vetme të prodhimit të kasave aktuale fiskale, vijojnë me skandale të njëpasnjëshme vetëm për të sulmuar sistemin e ri fiksal, që po i nxjerrë ata jashtë loje.
Frika se tashmë nuk do të fitojnë 10 deri në 15 milionë euro në vit, i ka shtyrë ata që të “kërcënojnë” qeverinë me prishje të tregut.
Në viitn 2019 qeveria prezantoi një sistem të ri fiskal, ku për çdo transaksion i parave në dorë do duhet të kalojë në sistem dhe të jepet një faturë. Që në atë kohë ish-monopolistët nisën lobimin mbi bizneset me një sërë deklaratash të pavërteta mbi kostot që sipas tyre do të sjellë sistemi i ri fiskal.
Konkretisht, përmes lajmeve dhe përllogaritjeve të rreme, ata kanë bindur bizneset se kasat e reja me sistem softwerik do të kapin vlerat e një kostoje fillestare që i kalonte 1000 eurot, plus kostos vjetore në nivelin e 400-500 eurove, duke përhapur kështu frikë dhe panik rreth kostos së lartë të sistemit të ri të fiskalizimit.
Ky lobim dhe këto lajme të rreme, u përdorën edhe për konsum politik, si dhe buruan nga vetë bizneset e mëdha të priviligjuara të cilave me sistemin e ri fiskal iu reduktoheshin fitimet e tyre.
Këto lëvizje erdhën nga këto bizese të priviligjuara në mënyrë që këta të fundit të shpëtojnë ç’të munden nga tregu që kontrolluan për 10 vjet që kur u vendos kasa fiskale, e që tani po i “ikën prej duarsh”.
“Mirëmbajtja e një softi është mujore ka nga 5 mijë lek të reja në muaj dhe tutje. Ju jeni duke thënë që mirëmbajtja e softit do të jetë rreth 5 mijë lek të reja në muaj që do të thotë do të jetë 60 mijë lek të reja në vit?
Vetëm hapja e biznesit në momentin e parë të sistemit të integruar vete rreth 1265 euro dhe ka dhe pluse të tjera. Tek ne e kemi blerë softin 1000 euro dhe kontrata e mirëmbajtjes është 350 euro në vit.”, kanë thënë në Komisionin Parlamentar të Ekonomisë përfaqësues të kompanive të kasave fiskale.
Mirëpo kjo deklaratë dhe lajmet e rreme rreth kostos së madhe të sistemit të ri softwerik të kasave fiskale, është hedhur poshtë nga përfaqësues të qeverisë dhe ministrisë së financave, si nga zëvendës ministri i këtij dikasteri apo ashtu edhe nga drejtoresha e Tatimeve.
Kujtojmë se aktualisht sistemi i kasave fiskale, një biznesi i kushton 479 euro duke shtuar edhe koston e mirëmbajtjes për 5 vjet.
Ndërkohë sistemi i ri fiskal do të synojë monitorimin në kohë reale të çdo shitje dhe blerje mes biznesit dhe konsumatorit, biznesit me biznes dhe biznesit me shtetin.
Si do të funksionojë në të vërtetë sistemi i ri fiskal
Në një balancim të të dhënave që kanë deklaruar kompanitë monopoliste, në raport me të dhënat e publikuara nga bizneset të cilat e kanë vënë në praktikë sistemin e ri, rezulton që deklaratat e mësipërme të monopoleve janë të rreme, për shkak se e vërteta e funksionimit dhe kostos së fiskalizimit të ri janë komplet ndryshe.
Së pari, sistemi i ri fiskal, eliminon teknologjinë e vjetër duke futur në skemë zgjidhjet software që janë të përditësueshme në teknologjitë aktuale dhe koherente.
Pra thënë me fjalë të tjera, nëse një kasë që një biznes e ble sot dhe pas një viti do të dalë një model i ri i kësaj kase, në kushtet e tanishme, bizesi do të jetë i detyruar që të blejë një kasë të re nëse duhet që të pajiset me modelin e fundit të kasës, ose nëse procedurat ligjore pësojnë ndryshime që nuk përmbushen nga pajisja aktuale.
Mirëpo me zgjidhjen softwarike, ky problem nuk do të ekzistojë më, pasi çdo ndryshim do të reflektohet automatikisht te çdo përdorues, pa kërkuar kosto shtesë përditësimi.
Nëse fiskalizimi i sotëm elektronik bëhet vetëm për shitjet cash, sistemi i ri i fiskalizimit parashikon edhe faturën elektronike e cila përveç vlerës dhe produktit/shërbimit, ka edhe të dhënat e blerësit.
Po sa e lehtë është me 10 tasta të shkruash disa herë në ditë NIPT-e blerësish që kanë në përbërje dy shkronja?
Si pasojë edhe angaritë e mëparshme si përshembull shkruarja disa herë në ditë e NIPT-it të blerësve që kanë në përbërje dy shkronja, në në tastierën me 10 tasta do të marrë fund.
Me anë të zgjidhjes softwarike, përdoruesi i kasës do ta ketë më të lehtë përdorimin e saj, si dhe do të shkurtojë edhe kohën e gjenerimit të një fature./ GazetaReforma.com/
