Nisma e Ministrisë së Arsimit për Universitete publike të pavarura është kundërshtuar këtë të martë nga Sindikata e Pedagogëve, e cila e ka cilësuar si një nisëm që rrezikon t’i japë universitetet me PPP. Sipas tyre qeveria është në kundërshtim me ideologjinë e universiteteve publike. Kreu i Sindikatës së Pedagogëve, Aleksander Kovaçi tha se nëse nisma e ndërmarrë nga qeveria miratohet i lë vend dhënies me PPP të universiteteve publike si edhe dëmton dhe çon në një vorbull universitetet publike.
“Ne morëm një feedback me 15 nëntor nga zyra e bashkëqeverisjes ku thotë se ministria e Arsimit ka marrë parasysh disa elementë të pensionit, që kanë të bëjnë me vjetërsinë në punë, llogaritjen e orës mësimore apo në lidhje me titujt akademik. Por sipas tyre rezulton se vetëm dy universitete kanë kthyer përgjigje. Ne i bëjmë thirrje universitete të kthejnë përgjigje për vjetërsinë e personelit, ti dërgojnë sa më shpejt.
Ne jemi në pritje dhe themi se krijimi i disa grupeve të punës, nëse duan ti kalojnë në kalendat greke realizimin e kërkesave tona, financimin për kërkimin shkencor në masën 0.3% të GDP dhe shtimi i pagës në nivelin 30%. Ne presim që ministria të reagojmë. Kryeministri ka thënë që mund të ketë një ndryshim për pagën në fillim të vitit të ardhshëm. Paga është sipas titullit. Mesa vura re unë kryeministri ka mendimin që ti hapë rrugën universiteteve që të rrisin tavanin e vet. Qeveria kërkon të rrisë këtë tavanin dhe ti hapë rrugë Universitetit të Tiranës. Jemi në pritje të zgjidhjes së kërkesave dhe do të marrim vendim në bazë të përgjigjeve që do marrim në janar”, tha Kovaçi.
Kujtojmë se më herët Pedagogët u ngritën në protesta për të kërkuar disa të drejta të tyre ku ndër më kryesorja ishte rritja e pagave. Kjo sipas tyre pagat janë qesharake dhe nuk janë as në nivelin e Kosovës, i cili është një shtet i ri dhe ka një PBB shumë më të vogël se Shqipëria. Protesta u shoqërua edhe me bojkot të mësimit nga ana e tyre, kujtojmë që në fillim të viti shkollor nuk u zhvillua mësim në Universitete. Por qeveria nuk ra dakort me kërkesat e pedagogëve por bëri një rritje vetëm me 7% dhe pjesa tjetër u kërkua të financohet nga vetë Universitetet. Pedagogët asookohe paralajmëruan edhe një grevë urie, e cila do të ishte unike në botë.
