Autoriteti Kombëtar i Ushqimit ka paraqitur në Kuvendin e Shqipërisë një kërkesë me propozimet për ashpërsimin e masave në Kodin Penal, për sa i përket çështjes së Sigurisë Ushqimore. Ditët e fundit kjo problematikë ka marrë një trajtim të gjërë në media për shqetësimet e shumta që kanë konsumatorët
Në varësi të natyrës së veprës penale, parashikohet deri në 10 vite burg për abuzimet me standardet e Sigurisë Ushqimore.
Ky propozim i AKU-së vjen në një kohë kur vendi është përfshirë nga pasiguria ushqimore dhe shumë qytetarë janë shprehur të shqetësuar lidhur me produktet që konsumojnë në përditshmëri.
Kjo është pasuar edhe me një sërë emisione investigative të cilat kanë ngritur alarmin e sigurisë ushqimore.
