Një nga temat më të përfolura dhe sigurisht shqetësuese kohëve të fundit ka qenë edhe siguria ushqimore dhe masat që merren për të garantuar produktet e konsumit në vendin tonë.
Edhe pse deri më tani sipas AKU gjithçka ka qenë në rregull, ushqimi i përdorur në burgje mesa duket nuk është brenda standardeve të pritura. Në dy kontrolle të ushtruara pranë ambienteve të burgut të Korçës dhe atij të Tiranës është vënë re se mishi dhe vaji i lulediellit që përdoret është jashtë çdo standardi të mundshëm.
Mirëpo ajo që nuk qëndron në njoftimin zyrtar të bërë nga Autoriteti i Kombtar të Ushqimit është sepse nuk ka zbuluar emrat e subjekteve që tregtojnë produktet, duke lënë kështu të pambrojtur edhe një herë tjetër konsumatorin.
Edhe pse thuhet se njëri i është bllokuar malli dhe tjetëri është gjobitur, përsëri në treg mund të ekzistojnë sasi të konsiderueshme të këtyre produkteve që mund të përdoren nga qytetarët.
Deklarata e plotë ku nuk publikohen emrat e subjekteve
Autoriteti Kombëtar i Ushqimit, ne bashkepunim me Drejtorinë e Përgjithshme të Burgjeve me qëllim garantimin e sigurisë së ushqimit që u shërbehet nje kategorie specifike konsumatori, ka ndërmarrë dy kontrolle zyrtare: Më datën 02.05.2019, trupa inspektuese e AKU Korcë ka kontrolluar një ngarkese mishi prej 209 kg ne nje subjekt i kontraktuar per furnizimin e IEVP Drenove, Korce. Gjatë kontrollit të ushtruar u konstatua se nje pjese e ngarkeses me kete produkt ne sasine 88 kg nuk ishte e pajisur me shenjat identifikuese (vulën) te stabilimenrit ku ishte kryer therja dhe nuk shoqerohej me dokumentacionin perkates (certifikata veterinare) sic përcakton legjislacioni në fuqi.
Ndaj subjektit për shkeljen e konstatuar “Therje e kafshëve në kundërshtim me procedurën e parashikuar” u mor masa “administrative gjobë” në masën 100 000 (njeqindmije) Lek, si dhe masa administartive “bllokim” për 88 kg mish vici për asgjesim. Trupat inspektuese te Drejtorise Ranonale te AKU Tirane kane marre mostra per kontroll zyrtar per nje parti mall (2028 lt Vaj Luledielli ne limitet e afatit te skadences) qe furnizohej nga DPRMSH per IEVP Tirane. Analizimi i mostrave te marra rezultoi me treguesit fiziko-kimik (numri i peroksideve) mbi normen e lejuar dhe si rrjedhoje kjo parti malli prej 2028 lt Vaj Luledielli eshte bllokuar ne subjekt pasi eshte pasigurte per konsum human dhe subjekti eshte detyruar te ndjeke procedurat e metejshme te agjesimit.
