Polici ka dhënë informacion zyrtar për vrasjen e 32-vjeçarit Endri Mustafa i cili u gjet i vrarë në bregun e liqenit , në livadhet e lagjes Guerile në qytetin e Shkodrës. Policia në njoftimin zyrtarë ka bërë me dije se në lidhje me këtë ngjarje është ngritur një grup i posaçëm hetimor, për të zbardhur ngjarje n e plotë dhe për të vënë në pranga autorët.
“Më datë 17.05.2021, në orën 09:00, në bregun e liqenit, në livadhe, në lagjen Guerile, Shkodër është gjetur i pajetë shtetasi E. M., 32 vjeç, dyshohet i vrarë me armë zjarri.
Në lidhje me ngjarjen është ngritur një grup i posaçëm hetimor dhe nën drejtimin e Prokurorisë së Rrethit Gjyqësor Shkodër po punohet për zbardhjen e rrethanave të ngjarjes, identifikimin dhe kapjen e autorit/ëve.”, njofton Policia e Shkodrës.
32-vjeçari është gjetur i shtrirë në tokë, me rroba të grisura dhe me baltë, ndërsa në fytyrë ka shenja të dukshme të dhunës.
Mesa duket autorët fillimisht e kanë masakruar dhe më pas e kanë ekzekutuar me pistoletë. Pak metra larg vendit të ngjarjes është gjetur edhe një armë zjarri, por që nuk dihet nëse i përket autorëve apo viktimës. Gjithashtu bëhet me dije se tre ditë më parë, viktima kishte marrë dy mesazhe në celularin e tij, ku i kërkohej që të dilte jashtë. Prej asaj dite ai është larguar dhe nuk është kthyer më, ndërsa u gjet i vrarë me armë zjarri pranë vendit të quajtur Livadë. Mësojmë se 32-vjeçari ishte denoncuar si i zhdukur rreth 3 ditë më parë nga familjaret dhe rezulton person me precedent të theksuar kriminale.
Në 2016-n ai u arrestua së bashku me 5 persona të tjerë për “Vjedhje me armë”, “Plagosje e lehtë me dashje”, “Prodhim dhe mbajtje pa leje të armëve e municioneve lufatrake” kryer në bashkëpunim.
Në të njëjtin operacion, mes të arrestuarve ishte edhe Astrit dhe Brahim Bilali. Këta të fundit u ekzekutuan në një atentat të mirëorganizuar në 2019-n, si pasojë e konflikteve të vjetra mes fiseve Lici dhe Bajri në këtë qytet. Njëri nga viktimat, Brahim Bilali, një ish-kampion i hipizmit ishte kryetar i Shoqatës 2 Prilli. Ndërsa Astrit Bilali ishte babai i Astmer Bilali, i arrestuar si pjesë e grupit “Bajri” në Shkodër.
