Kreu i grupit parlamentar të PD-së, Gazment Bardhi ka denoncuar marrjen e gradave në Forcat e Armatosura përmes firmosjes së akteve për shitjen apo dhënien e pronave shtetërore me koncesion. Sipas Bardhit kriteri për tu bërë gjeneral është dhënia e pronave të ushtrisë oligarkëve dhe pushtetarëve.
“I vetmi kriter për të bërë karrierë në forcat e armatosura është firma për të tjetërsuar pronat. Ata që firmosën për oligarkët i bëtë gjeneral e një prej tyre e çuat në presidencë. Ne do ta votojmë kundër këtë ligj, sepse nuk garanton që ata të cilët kanë bërë karrierë me ndershmëri. Ne nuk mund të rrimë pa shprehur shqetësimin, kur shikojmë se në zonat e forcave të armatosura mbillen sipërfaqe të tëra me lende narkotike. Vlerësojmë çdo oficer karriere, çdo person që ka kontribuua, por s’mund të heshtim për politizimin që keni bërë”, tha ai.
Ky është një sakndal i denoncuar ka herë nga Gazeta Reforma ku kemi treguar se si është të marrësh gradën me klering? dhe nuk është një metodë që u shpik nga Rilindja, por ka ekzistuar edhe më herët në kohën e qeverisë Berisha e Nano. Kujtojmë këtu privatizimin e kompleksit Partizani, ish-pronë e ushtrisë, tani e ndërtuar me pallate.
