Ditën e sotme, kreu i Partisë së Lirisë, Ilir Meta ka mbajtur sot një konferencë për mediat, ku ka folur edhe më shumë rreth krimit të organizuar dhe korrupsionit masiv, që sipas tij janë të mbështetura fort tek qeveria në pushtet.
Gjatë konferencës, ai u pyet nga gazetarët në lidhje edhe me situatën politike që po kalon këto kohë opozita.
Meta është shprehur se rikthimi i grupit të Gazment Bardhit në selinë e Rithemelimit është bashkim i sinqertë forcash. Ai tha se PL-ja mbështet dhe protestën e thirrur nga opozita me 20 shkurt.
“Çdo bashkim i sinqertë forcash, energjish, potencialesh të fjetura deri tani, është pozitiv. Nuk jemi në një situatë normale, jemi në një narko-diktaturë. Duhet të ketë një vijë të qartë demarkacioni me narko-diktaturën. Partia e Lirisë ka qenë dhe do të jetë në mbështetje të protestave qytetare dhe politike, në mbrojtje të demokracisë.”, tha Meta.
