Sipas Shërbimi Meteorologjik Ushtarak, kushtet meteorologjike për të hënën dhe ditët e tjera në vazhdim, do të jenë si vijon…:
Dita e Hënë do të ketë mot me alternime kthjellimesh dhe vranësira të cilat në orët e mesditës në relievet malore do të pasohen nga reshje shiu me intensitet të ulët të karakterit lokal.
Dita e Martë do të ketë mot kryesisht të kthjellët e vranësira të pakta kalimtare.
Dita e Mërkurë do të ketë mot me vranësira dhe intervale kthjellimesh.
Dita e Enjte parashikohet të ketë mot me alternime kthjellimesh dhe vranësira të cilat përgjatë relieveve malore do të pasohen nga reshje të herëpasherëshme shiu me intensitet të ulët.
Dita e Premte parashikohet të ketë mot kryesisht të vranët dhe intervale kthjellimesh. Reshje shiu të herëpasherëshme me intensitet të ulët deri mesatar përgjatë Ultësirës Perëndimore dhe zonave malore.
Era do të jetë kryesisht nga Veriperëndimi-Jugperëndimi 1-10m/s, e cila hera-herës përgjatë vijës bregdetare dhe zonave luginore fiton shpejtësi deri në 18m/s, kryesisht ditën e Hënë dhe të Martë.
/GazetaReforma.com/
