I ftuar në një emision televiziv, mjeku i njohur Genci Sulçebe, duke folur me përllogaritje shifrash, deklaroi se për të arritur imunitetin e tufës ndaj covid-19, duhen dy milionë doza vaksinash. Mirëpo sipas tij duke i llogaritur me nga dy, duke qenë se aplikohen nga dy doza, do të duhet që të vijnë 4 mln vaksina në vendin tonë.
Mjeku Genci Sulçebe deklaroi se imuniteti i tufës arrihet në Shqipëri pas ardhjes së të paktën 4 mln dozave të vaksinës.
“Një dy milionësh është i mjaftueshëm për të krijuar imunitetin e tufës, pra duhen 4 milionë doza”, deklaroi mjeku Sulçebe.
Kujtojmë se sipas një studimi të Akademisë së Shkencave, në kryeqytet virusi ka pasur një harmoni shpërndarje në të gjitha lagjet.
Sipas akademikëve Genc Sulcebe dhe profesor Alban Ylli, imuniteti i tufës në Tiranë pritet të fitohet shumë shpejt. Ndërkohë rezultatet e këtij studimi janë bazuar vetëm për valën e parë të pandemisë, duke mos përfshirë fillimin e dimrit.
“Përqindja lëkunder afërsisht 50% të popullatës. Ky është konkluzioni që ne mund të nxjerrim sot që në fund të 2020, pothuajse 50% e popullatës urbane të Tiranës është pozitive ndaj këtij virusi”, ka thënë mjeku Sulçebe.
Por ndërkohë që në Tiranë duket se situata më e keqe ka kaluar, në rrethe të tjera rreth 20-25 % e popullatës kanë fituar antitrupat ndaj Covid.
“Niveli i imunitetit me virusin në njohjet e deritanishme shkencore është rreth 25%. Në qytetin e Tiranë s’ka një imunitet gjithmonë e më të madh i cili po përparon me shpejtësi drejt imunitetit të tifës por në termat në Shqipëri imuniteti është ende relativisht i ulët”, ka thënë profesor Alban Ylli.
Mjeku Sulçebe ndër të tjera ka deklaruar se sipas studimeve pritet të jetë efikase edhe për variantin e ri të Covid-19 i cili po përhapet./Gazetareforma.com/
