Sezoni i ri në Premier League do të fillojë pas pak ditësh dhe parashikimet, kanë nisur… Fillimisht, ka qenë një superkompjuter që ka parashikuar gjithë sezonin e ri 2021-’22, duke i renditur të 20-ta ekipet.
Manchester City do të mbrojë titullin kampion, ndërsa Norwich do të rikthehet në Championship (Kategoria e Dytë angleze). Këto janë verdiktet që ka dhënë superkomjuteri në Angli, i cili ka stimuluar rezultatet e mundshme të 38 javëve të Premier Ligës.
Sipas llogarive të tyre, Arsenali do t’i “dënojë” sërish tifozët e vet me një tjetër sezon të vështirë, duke u renditur në vend të shtatë dhe përjetuar një tjetër sezon jashtë Champions League.
Por, ka lajme të mira për Chelsean. Kampionët e Europës do të jenë rivalët kryesorë të Manchester Cityt dhe do të renditen në vend të dytë. Ndërkohë që Liverpool parashikohet që për të dytin sezon radhazi ta mbyllë i treti, ndërsa Tottenham, Leicester dhe Arsenal do të mungojnë sërish në katërshen e parë.
Manchester United do të rrëshqasë nga kreu pavarësisht se ka bërë dy goditjet më të rëndësishme të merkatos deri tani në Angli. Gjithsesi, “djajtë e kuq” do të sigurojnë biletën e fundit që të dërgon në Champions League.
Skuadrat që superkompjuteri rendit në tre vendet e fundit të klasifikimit janë ekipet e Brentford, Watford dhe Norwich. Të tria skuadrat që u rikthyen në Premier League këtë sezon parashikohet që të luajnë sërish në Championship gjatë 2022-2023.
