Të paimagjinueshme janë shifrat e personave që kanë humbur jetën si pasojë e koronavirusit.
Numri i të infektuarve nga Covid-19 në gjithë botën ka shkuar në 7,872,620, ndërkohë numri i viktimave ka arritur në 432,475.
Sipas Worldometers, numri më i madh i vdekjeve është regjistruar në SHBA, me 117,527 viktima, ndërsa pas saj radhiten Brazili me 42,791, Britania e Madhe me 41,662, Italia me 34,301, Franca me 29,398 dhe Spanja me 27,136.
Ndërkaq, Italia është duke shënuar ditët më të mira përsa i përket shifrave të pandemisë.
Kujtojmë se në Shqipëri janë regjistruar 36 viktima dhe 1,464 të infektuar.
Pas më shumë se dy muaj izolim, prej disa javësh masat kufizuese në vendin tonë janë lehtësuar.
Ende nuk ka rifilluar nga puna transporti publik dhe vendi po përjeton një krizë ekonomike, ku shumë biznese ulën përfundimisht qepenat pas pandemisë.
Pas shfaqjes në Wuhan të Kinës në dhjetor të vitit të kaluar, pandemia Covid-19 është përhapur në gjithë botën.
Deri më tani 4,042,466 të infektuar e kanë mposhtur sëmundjen, kurse aktualisht ka mbi 3,3 milion raste aktive.
