Ndërron jetë në moshën 68-vjeçare kryetari i Shoqatës së Pajtimit të Gjaqeve, Nikoll Shullani në qytetin e Shkodrës. Shullani ka dhënë ndihmesën e tij ndër vite për shuarjen e konflikteve, herë disa vjeçare ndërmjet familjeve shqiptare. Hakmarrja është një plagë e thellë e kombit shqiptar (më e theksuar në zonat e veriut), e cila shpeshherë ka marrë jetën edhe të të pafajshmëve.
Kujtojmë se disa kohë më parë Nikoll Shullani është përfshirë si negociator për lirimin e Jani Prenges pas pengmarrjes në Tiranë, çështje për të cilën ai u mor në pyetje nga SPAK. 49-vjeçari, Jan Prenga, u mor rrëmbye dhe më 17 janar 2020 dhe sipas policisë ndërroi jetë nga tortura rrugës teksa po çohej në Shijak, në restortin “Golden. Shkak u bë një sasi e madhe kokaine për të cilën Jani Prenga nuk dyshohet të ketë pasur vetë lidhje, por në të ka qenë i implikuar vëllai i tij.
Asokohe Shullani tha se situata mes familjeve është e tensionuar dhe ende nuk dihet se ku është kufoma e Jan Prengës. Ndërkoë që sipas tij prokurorët kishin dyshime se ai e dinte ku është kufoma e Prengës.
Gjithashtu i pyetur nëse është kontaktuar nga familjarët e Prengës gjatë kësaj periudhe ai mohoi të ketë pasur kontakt me ta. Nga ana tjetër ai nuk mohoi përpjekjet e tij si negociator, por pa rezultat.
“ Jam përpjekur por pa rezultat. Gjendja është shumë e acaruar sepse u kanë vrarë vëllain.”- u shpreh ai
