Ambasadorja e SHBA-së në Tiranë, Yuri Kim, i ka dhënë një ultimatum politikës shqiptare duke i kërkuar që Këshilli i Emërimeve në Drejtësi (KED), të mblidhet këtë javë dhe t’i dërgojë Kuvendit e Presidencës listën me emrat e kandidatëve për anëtarë të Gjykatës Kushtetuese.
Me anë të një postimi, ambasadorja Yuri Kim, ka deklaruar se nuk ka asnjë “arsye praktike” që Gjykata Kushtetuese të mos jetë funksionale deri në 31 dhjetor 2020.
Postimi i Yuri Kim:
“KED duhet të mblidhet këtë javë për të përfunduar vlerësimin dhe për të dërguar listën e kandidatëve në Presidencë dhe Parlament. Proceset duhet të respektohen, por jo të keqpërdoren.
Nuk ka asnjë arsye praktike që Gjykata Kushtetuese nuk mund të jetë funksionale deri më 12/31. Është çështje vullneti. Udhëheqësit duhet të tregojnë vullnetin e tyre të vërtetë”, ka shkruar ambasadorja e SHBA në Shqipëri, Yuri Kim./Gazetareforma.com/
