Gjykata e Posaçme ka shtyrë për më 31 janar seancën gjyqësore për shqyrtimin e çështjes së inceneratorëve të Tiranës, pas mungesës së prokurorit të SPAK, Dritan Prençi, i cili ishte jashtë vendit për angazhim të detyrueshëm.
Në dhjetor të vitit të kaluar, gjykata ka vendosur 15 masa sigurie për individë të lidhur me aferën, mes të cilëve ish-ministri Lefter Koka, ish-deputeti Alqi Bllako dhe drejtori i Punëve Publike në Bashkinë e Tiranës, Taulant Tusha, të cilët janë arrestuar dhe ndodhen në qeli.
Ndërkohë, në gusht 2023, SPAK ka urdhëruar sekuestrimin e kompanisë që menaxhon inceneratorin e Tiranës, duke zbuluar lidhjet e biznesmenëve Klodian Zoto dhe Mirel Mërtiri, të cilët janë shpallur në kërkim ndërkombëtar për korrupsion dhe pastrim parash, duke përfshirë dhe inceneratorët e Elbasanit dhe Fierit.
