Gjykimi ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, është shtyrë për shkak të mungesës së një dëshmitari të Prokurorisë.
Sipas njoftimit zyrtar të Gjykatës Speciale, dëshmitari i identifikuar si W04747 duhej të dëshmonte sot në mëngjes, por nuk arriti të paraqitej.
Si rezultat, Prokuroria kërkoi që deklarata e tij me shkrim të pranohej si provë, bazuar në Rregullën 155 të Rregullores.
Pas kësaj, seanca kaloi në sesion privat për shqyrtimin e provave dhe më pas u mbyll për ditën.
Për rrjedhojë, seancat e planifikuara për pjesën e mbetur të javës u anuluan dhe gjykimi u shty deri në një njoftim të mëtejshëm.
