Pas lajmit se Maqedonia e Veriut ka vendosur të shtyjë vitin e ri shkollor, të njëjtin vendim ka marrë edhe qeveria në Kosovë.
Lajmin e ka bërë të ditur vetë ministri i Arsimit në Kosovë, Ramë Likaj së bashku me SBASHK-un, IKSHPK-në dhe përfaqësues të MSH-së. Likaj tha se viti i ri shkollor do të fillojë me 14 shtator(e njëjta datë me vendin tonë) për shkak të situatës së pandemisë në vend.
“Ne kemi raporte strikte të përshkruara në mënyrë të kjartë për respektimin e masave kundër Covid-19. Nuk jemi duke e shtyrë fillimin e vitit shkollor për shkak se kemi ndonjë koment me ndonjë tjetrin. Qëllimi është vetëm të kujdesemi për shëndetin e personelit të mësimdhënësve dhe të shkollave, nxënësve dhe qytetarëve në përgjithësi”, ka thënë Ministri Likaj.
Më tej Likaj tha se qeveria ka aprovuar pako financiare për nxënësit që do të kenë probleme shëndetësore, duke u kërkuar atyre të mos paraqiten në shkollë.
“Pakoja buxhetore që është aprovuar nga qeveria e Kosovës parasheh që mësimdhënësit që kanë probleme shëndetësore, të mos paraqiten në procesin arsimor, të kujdesen për shëndetin e tyre sepse janë ndarë mjetë buxhetore që këta mësimdhënës të mbulohen”, sqaroi ministri.
