Anija shqiptare “Oriku”, e cila është pjesë e misionit të NATO-s në detin Egje, gjatë ditëve të fundit është përballur me një fluks të shtuar emigrantësh.
Ekuipazhi i “Orikut”, ka ndihmuar që të zbresin në breg të sigurtë 140 emigrantë afganë e sirianë.
Në mesin e refugjatëve të shpëtuar, 30 janë fëmijë, shkruan “Top Channel”.
Anija “Oriku”po bashkëpunon në këtë mision me rojet bregdetare turke dhe greke.
Brenda tre ditëve, anija shqiptare ka asistuar në shpëtimin e 4 gomoneve me refugjatë.
Që prej 2016-ës Forcat Detare shqiptare janë bërë pjesë e misionit të NATO-s, “Sea gardian” dhe kanë shpëtuar mbi 2 mijë persona.
