TIRANË- Shkëlzen Hasanpapajt i shtohen edhe 8 muaj burgim.
Para 3 vitesh, ai u dënua nga Gjykata e Elbasanit me 10 vjet heqje lirie.
Hasanpapaj është i riu që u akuza për vrasjen e Florenc Çapjas dhe Bledar Muçës, dy anëtarë të grupit “Çapja”, ngjarje kjo e ndodhur në qershor të 2016.
Dënimi shtesë është dhënë nga Gjykata e Tiranës për akuzën e futjes së telefonit celular e sendeve të ndaluara në qeli pranë paraburgimit “302” tek “Mine Peza”.
Vendimi është marrë nga gjyqtarja Shefkije Demiraj.
Shqiptarja.com ka arritur të sigurojë një kopje të tij.
Sipas vendimit të Gjykatës, karta që përdorte Hasanpapaj rezulton e regjistruar në emër të Jurgen Kurtit.
I njohur si menaxheri i VIP-ve, Kurti u ekzekutua në mars të këtij viti në shtëpinë e tij.
Edhe 26-vjeçari ka qenë një personazh i njohur për drejtësinë shqiptare, pasi disa vite më parë, në 2016 u përfshi në vrasjen e babait të tij dhe të një tregtari nga Durrësi.
Por ende nuk dihet nëse Kurti kishte lidhje direkte me këtë kartë pasi në regjistrat e burgut “302” ai s’ka asnjë takim me Hasanpapajn.
