Mësohet se në qytetin e Korçës janë konfirmuar këtë pasdite 3 raste të tjera, që zyrtaisht nga ministria do njoftohen nesër në përditësimin e 24 orëve të fundit.
Sipas informacioneve të deri tanishme bëhet e ditur se të prekur janë punonjës shëndetosor të spitalit, 2 infermierë dhe 1 mjek.
Dyshimet e para janë se infektimi ka ardhur nga një e moshuar 80-vjeçe, e cila ishte infektuar në QSUT. Kjo e moshuar është bërë shkak i një vatre të re në Korçë, ku 5 kontakte të afërta të saj rezultuan pozitivë, mes tyre një punonjës i Bashkisë së Korçës.Ndërkohë priten persona të tjerë të dyshuar me Covid-19 pasi epidemologët kanë vijuar punën në terren.
Ditën e sotme, Ministria e Shëndetësisë konfirmoi se nga 77 raste në të gjithë vendin, 5 ishin në qytetin e Korçës gjatë 24 orëve të fundit.Deri tani, ky qytet ka 25 raste aktive me COVID-19. Në vendin tonë aktualisht janë 920 persona aktivë me koronavirus, kryesisht në Tiranë, Shkodër, Durrës.
