Kanë dalë në dritë deaje në lidhje me ngjarjen në uzinën e armëve në Gramsh, si dhe me uzinën e armëve në Elbasan, ku disa të huaj tani po përballen em akuza të rënda. Akuazave të mëparshme iu është shtuar edhe akuza për spiunazh.
Gjatë fazës hetimore mëshohet se në telefonat e turistëve janë konstatuar fotografi dhe materiale të tjera të bazave të tjera ushtarake në Shqipëri përveç asaj të Gramshit. Këto materiale i përkasin periudhës së gushtit të këtij viti, teksa për Prokurorinë përforcojnë dyshimet se këta 3 shtetas të jenë pjesë e një rrjeti spiunazhi që dëmtojnë interesat e vendit tonë.
Burime bëjnë me dije se dyshimet për spiunazh janë ngritur pasi janë zbërthyer aparatet celulare të 3 shtetasve të huaj ku kanë gjetur shkëmbime informacioni dhe komunikime me persona të tjerë përmes aplikacioneve të ndryshme por kryesisht “Telegramit”.
Ndërsa sa u përket 4 shtetasve çekë, të kapur në rrethana të ngjashme në Poliçan, të njëjtat burime shprehen se në këtë fazë hetimi nuk është konstatuar asnjë lidhje me njëra-tjetrën.
Akuza e Elbasanit qëndron në krye të hetimeve ndërsa çështja do të vijojë të hetohet në Prokurorinë e Elbasanit dhe jo në Strukturën e Posaçme. Sa i përket kontakteve që kanë kryer këta shtetas me persona të tjerë, po bëhen verifikime për identifikimin e tyre dhe aktivitetit me të cilin merren.
