Covid-19 siç duket nuk po njeh pushim edhe në shtetin grek ku rritja e shifrave ka vazhduar me ritme të shpejta. Situata paraqitet tejet e rënduar me raste të reja të infektimeve që po shtohen çdo ditë e më tepër.
Greqia do të vazhdojë me shtimin e disa masave kufizuese duke arritur deri në bllokimin e disa zonave për të parandaluar përhapjen e Coronavirusit
Situata pandemike është përkeqësuar dhe ndërkohë ditëve e fundit ka patur rritje të lartë të rasteve me Covid-19. Në ishullin Rethymno në Kretë, janë vendosur masa kufizuese të cilat kanë hyrë në fuqi ditën e sotme, pasi situata në ishull paraqitet shumë kritike dhe të gjitha spitalet janë të tejmbushura me pacientë.
Nga dita e sotme në ishull ndalohet qarkullimi nga ora 01:00 deri në orën 06:00 te mëngjesit me përjashtim të arsyeve shëndetësore dhe në të gjitha lokalet ndalohet përdorimi i muzikës.
Këto masa janë të vlefshme deri me datën 25 gusht dhe më pas do të rivlerësohen nga komisioni përsëri. Në Heraklion dhe Chania vijon bllokimi deri sa qeveria të japë një njoftim të dytë.
Dita e djeshme shënoi rekord të numrit të rasteve të reja në Greqi ku vetëm në 24 orë kishte 2.218 raste të reja me Covid 19 dhe 13 persona humbën jetën.
