Ministrja e Shëndetësisë Ogerta Manastirliu ishte e ftuar në emisionin “Opinion” ku foli për shtimin e rasteve me COVID-19 gjatë këtyre ditëve në vend.
Ajo u shpreh se shtimi i rasteve të reja vjen si pasojë e mos zbatimit të rregullave dhe masave, por jo nga shtimi i testimeve.
Gjithashtu Manastirliu tha se hapja e mëtjeshme kërkon zbatimin e protokolleve rigoroze duke mbajtur maskat aty ku nuk ruhet distanicimi fizik.
“Është një situatë që reflekton rihapjen vjen me numra të shtuara . Ka patur një shtim të rasteve krahasuar me një javë më parë. Ka disa fajtorë që lidhen me mos respektimin e protokolleve. Testet janë një rrjedhojë dhe arsye për të bërë në momentin që janë një hetim epidemiologjik. Karantina na dha një panoramë të qartë të situatës. Ne e kemi thënë që në fillim se është një realitet i ri. Hapja kërkon zbatimin e protokolleve rigoroze, duhen mbajtur maskat aty kur nuk ruhet dot distancomi fizik. Përgjegjësia kryesore e jona është sigurimi që mjekët dhe infermierët të jenë të mbrojtur. Ne do të jemi të rrezikuar nëse nuk zbatojnë protokollet.”- tha Manstirliu.
