Ditën e djeshme zjarri përfshiu një banesë në Shkodër dhe si rezultat ajo u shkrumbrua.
Pasi banesa u dogj plotësisht çifit Loro dhe Liza Gocaj kanë mbetur në qiell të hapur. Ata kërkojnë ndihmë pasi ndodhen në situatë të vështirë dhe po enden rrugëve.
Liza Gocaj tregon për “Report TV” se në momentin kur ra zjarri ndodhej te mjeku për t’u vizituar nga tensioni. Ndërkohë që lajmin tronditës për zjarrin në shtëpinë e saj ia dha kunati.
E moshuara, e prekur nga fatkeqësia që ka ndodhur dhe me lot në sy, thotë se zjarri mund të ketë ardhur nga ndonjë shkëndijë elektrike pasi në shtëpi nuk ka lënë të ndezuar asnjë pajisje. Për 5 minuta sipas saj ka mbaruar çdo gjë, pasi flakët e shkrumbuan shumë shpejt shtëpinë.
Po ashtu Liza shton se , se ka qëndruar në shtëpinë e vajzës së saj, dhe gjithë natën nga stresi nuk kanë fjetur. Ajo tregon mes lotësh se nuk kanë ku shkojnë sonte.
“Kam qenë duke ikur që të vizitohem. Më morën në telefon dhe më thanë po të digjet shtëpia. Kemi ardhur kemi gjetur çdo gjë shkrumb e hi. Dyshojmë tek korrenti. Zjarr s’kemi pas ndezur, as gaz. Mesazhi është të na ndihmojnë. Nuk di çfarë të them. Kemi qenë në spital natën, dhe kemi shkuar të flemë tek vajza”, tregon ajo.
Kujtojmë se flakët e shkrumbuan banesën e çiftit Gocaj për 20 minuta.
