Ditwn e sotme deputeti Saimir Korreshi në një lidhje Skype për “Fax News” u shpreh se shtatori do të vijë vrullshëm dhe është padyshim muaji i opozitës shqiptare.
Gjithashtu lidhur me situatën brenda PD-së, Korreshi tha se ka ruajtur kontaktet me disa prej anëtarëve edhe pse në kohë pushimesh, ndërsa shtoi se me datë 1 shtator do të nisin mbledhjet e para të grupit parlamentar.
“Pavarësisht se është periudhë pushimesh, por me njëri tjetrin kemi qenë tërë kohën në kontakt, mendoj se shtatori do vijë me vrull. Ne pasnesër do kemi mbledhjen e grupit parlamentar për reformën territoriale. Është një gjë që kemi dëshirë ta përfundojmë, shpresojmë te zgjedhjet e ardhshme vendore, ku të japim një propozim konkret. Për zhvillimet e tjera presim dhe datën 1 shtator kur do të kemi takimet e para.
Ne kemi qenë dhe afër për shkak të marrëdhënieve personale, në telefon normalisht marrim ato që kanë dëshirë të flasin, nuk pretendoj marrëdhënie të mira me të gjithë, por kemi pasur ca takime në grupe të vogla. Unë patjetër dëshiroj një bashkim, të gjithë deputetët por kanë qenë me pushime. S’më ka rënë telefoni për bashkim.
Porti i Durrësit është çështje pikante, është aferë shumë e madhe dhe duhet zbuluar a kemi ndonjë rrjedhje tonën aty brenda. Dita ditës po zbulohen afera, duhen bërë si kallëzime jo më si denoncime. Nuk duhen lënë gjërat përgjysëm, sepse do ishte zhgënjyese. Kemi raportet në Komisionin e Ligjeve dhe nuk trajtohen çështjet sepse këto afera duhet të marrin përgjigjie nga Prokuroria. PD duhet të mbledhë rreth vetes të gjitha partitë e tjera opozitare”-tha Korreshi.
