Një 30 vjeçar shqiptar është arrestuar nga policia italiane pas një ndjekje të gjatë.
Shqiptari në fakt duhet ti përgjigjej urdhërit për ndalim, por në të kundërt ai është përpjekur që t’ia mbathë, duke tentuar fillimisht të shtypë edhe dy karabinierë.
Ngjarja ka ndodhur disa ditë më parë në periferinë veriore të Milanos.
Shqiptari sipas policisë vendase ishte i njohur me disa emra të ndryshëm, ndërkohë që mbante edhe një urdhër për ndalim, ku duhet të vuante një dënim 2 vjeçar për shfrytëzim prostitucioni.
Menjëherë sapo ka parë karabinierët, ndërsa ishte në drejtimin e një Fiati Punto, shqiptari ka kryer një manovër për të evituar kontrollin, por është kapur në befasi.
Në këtë pikë ai ka ulur shpejtësinë, por më pas është rinisur, duke rrezikuar të shtypë edhe 2 karabinierët.
Por edhe pse është futur në një zonë me fluks të lartë automjetesh, 30 vjeçari u ndalua pas disa minutash ndjekje, ku u përplas edhe me dy automjete të tjerë, po ku nuk mbeti i plagosur askush.
Por ndjekja nuk përfundoi këtu. Pasi me të dalë nga makina shqiptari kapërceu në kofanon e makinës së tij dhe më pas atë të karabinierëve, për t’ia mbathur në këmbë.
Por u kap vetëm pas pak çastesh për t’u çuar në qeli në Monza.
