Para dy ditësh një ngjarje e rëndë ka ndodhur në burgun serb, ku një i ri nga Peja, i cili kishte tatuazhin e Adem Jasharit në gjoks së bashku me emblemën e UÇK-së dhe Skënderbeun është gjetur i vrarë.
Ditën e sotme , ish-luftëtari i Ushtrisë Çlirimtare të Kosovës (UÇK), Meçan Zotaj thotë se shteti serb ka lejuar tërheqjen e trupit të 28-vjeçarit nga Kosova, Arben Zymberi, 17 ditë pasi ai humbi jetën në burg. Zotaj u shpreh për “Euronews” se autoritetet serbe janë munduar me çdo kusht që të mbulojnë çdo dhunë, çdo terror që është ushtruar në trupin e Artanit.
Ngjarja e rëndë ka ndodhur saktësisht në burgun “Sremska Mitrovica” në Serbi, ndërkohë që sipas xhaxhait të të ndjerit, Artani kishte përfunduar në atë burg një vit më parë, pasi ishte arrestuar nga policia, për posedim të disa tabletave, hapave të jashtëligjshme.
Zymberajt i ishte caktuar masa e burgimit për 3 vite, por që sipas Nexhat Zymberit, xhaxhait të viktimës ai do të transferohej në Norvegji pas muajit dhjetor.
Kujtojmë që lajmin e vdekjes së Artan Zymberit e kanë bërë të ditur vetë familjarët e viktimës, teksa babai i tij u shpreh: Po lajmi është i vërtetë, jemi duke shkuar në Beograd për të marrë kufomën dhe ëpr të shkuar më pas në Norvegji.
