Pas arrestimit të ish-ministrit Lefter Koka, i akuzuar nga për aferën e inceneratorëve, ka ardhur reagimi edhe nga nënkryetari i LSI-së, Petrit Vasili. Kujtojmë që ka qenë LSI ajo që ka bërë denoncimin për aferën e iniciatorëve.
Vasili deklaron se banda e aferës së inceneratorëve nuk duhej të prekej para zgjedhjeve se ajo do të blinte vota të LSI për llogari të Rilindjes.
Sipas nënkryetarit të LSI-së arrestimi i Lefter Kokës është bërë me vonësë dhe nuk ka asnjë vlerë tashmë falënderimi ndaj SPAK-ut,
“Shumë vonë, hipokrite dhe pa asnjë vlerë për të falënderuar SPAK-un. Denoncimet dhe faktet atje kanë qenë prej shumë kohësh, por mosveprimi ka qenë i qëllimshëm dhe me regji. Banda e aferës së inceneratorëve nuk duhej të prekej para zgjedhjeve sepse ajo do të blinte dhjetëra mijëra vota të LSI për llogari të Rilindjes në Durrës, Tiranë, Elbasan, Fier, Berat etj. Në krye të bandës është vetë Edi Rama dhe Kryetarët e Bashkive e Ministrat ende në detyrë. Banda e inceneratorëve e detyroi edhe Lulzim Bashën që të mos pranonte asnjë anëtar nga LSI në Komisionin Hetimor parlamentar.LSI do të zbardhë të plotë dhe deri në fund këtë aferë para popullit shqiptar.Shqiptarët nuk duan drejtësi me regji, por drejtësi të vërtetë dhe në kohën e duhur!!”, është shprehur Vasili.
