Afro 170 migrantë në 12 mjete detare kaluan ilegalisht Kanalin e Lamanshit këtë fundjavë. Gjashtë migrantë në dy kajakë të lidhur së bashku u shpëtuan nga marina franceze në brigjet e Calais, ndërsa një anije me 222 njerëz u ndalua në tentativë për të kapërcyer Kanalin nga autoritetet franceze gjatë fundjavës.
Kjo pason gjetjen e një trupi të një burri me një xhaketë shpëtimi në një plazh afër Calais, i cili autoritetet më vonë konfirmuan se ishte një migrant.
Kohët e fundit ka pasur një seri arrestimesh në hetimet e trafikimit njerëzor nga Agjencia Kombëtare e Krimit (NCA) e Mbretërisë së Bashkuar. Më 16 tetor, dy vëllezër shqiptarë, Arben Cakici, 48 vjeç dhe Astrit Cakici, 37 vjeç, nga Barking dhe Newham, Londër, të cilët jetonin ilegalisht në Britani të Madhe, u akuzuan për lehtësimin e hyrjes ilegale në Britaninë e Madhe dhe posedimin e një arme zjarri. Arbeni përballet gjithashtu me një akuzë për mbajtjen e një thike.
NCA bëri arrestimet pasi dëshmoi ata morën në dorëzim katër migrantë nga një kamion dhe i transportuan në dy makina, pranë një stacioni shërbimi në Kent rreth orës 8 të mëngjesit.
Dy shoferët rumunë të kamionëve të arrestuar në vendngjarje, Ionut Colibei, 34 vjeç dhe Valerica Prutearu, 41 vjeç, akuzohen gjithashtu për lehtësimin e hyrjes së paligjshme në Mbretërinë e Bashkuar Colibei u akuzua gjithashtu për mbajtjen e një thike.
Kërkimet që rezultuan nga hetimet paraprake çuan gjithashtu në një arrestim të mëtejshëm të një 45-vjeçari nga Shqipëria, i kërkuar për vepra penale, që implikohej në ndihmën e emigrantëve që zbarkonin me anijet ilegale.
