Shqipëria është udhëheqësja rajonale, me popullsinë më të pakënaqur me mënyrën sesi po ecin gjërat në ekonominë e tyre.
Barometri i Ballkanit, një publikim i Këshillit për Bashkëpunim Rajonal, bën të ditur se pjesa më e madhe e vendeve të rajonit kanë shënuar një rritje të numrit të atyre që shprehen të kënaqur, një tregues i fortë se efektet e rritjes në ekonomi po përkthehen në përfitim edhe për qytetarët, por e kundërta ka ndodhur me vendin tonë.
“Shqipëria është liderja rajonale në përqindje të atyre që janë të palumtur, plot 42 për qind e popullatës, teksa në Kosovë, më pak se një çerek apo 23 për qind e të anketuarve janë të pakënaqur, duke e kthyer këtë në rajonin më të kënaqur ekonomikisht” thuhet në publikim.
Monitor.al tregon se përsa i takon situatës financiare në 12 muajt në vazhdim,18 për qind e shqiptarëve presin që të jetë më keq ndërsa 54 për qind nuk presin asnjë ndryshim. Më mirë e presin 25 për qind e të anketuarve.
Kjo bën që shqiptarët të jenë një ndër popujt më të varfër në krahasim me 5 vendet e të tjera të rajonit, si Serbia, Bosnja, Kosova, Maqedonia dhe Mali i ZI.
E njëjta anketë, e Këshillit të Kooperimit Rajonal, nxjerr një përqindje të lartë të tyre që kanë të vështirë të paguajnë faturat mujore të dritave dhe ujit, pagesën e qirasë, sigurimin e ushqimeve të nevojshme, ngrohjen e shtëpive dhe kalimin e pushimeve një javë jashtë vendit.
Duke renditur problematikat që shqetësojnë vendet nga papunësia te korrupsioni dhe mbrojtja e natyrës dhe trashëgimisë, barometri i Ballkanit tregon se papunësia, zhvillimi ekonomik mbajnë rekordin e shqetësimeve në rajon. Korrupsioni ndërkohë renditet i treti, por prevalenca e tij në rajon po rritet dhe në anketën e fundit me 31 për qind në raport me atë të vitit 2018.
Monitor.al shkruan se 26% e shqiptarëve në vitin 2019 nuk kishin mundësi të paguanin faturat e dritave dhe të ujit. Kjo ishte përqindja më e madhe në Rajon, ku vetëm 10 % e boshnjakeve kanë pohuar vështirësi në pagesën e tyre, 19 për qind e qytetarëve nga Kosova, 20 % e maqedonasve, 19% e qytetarëve të Malit të Zi dhe 17 për qind e serbeve.
Ndërkohë, 16% e shqiptarëve e kishin të paguanin huatë, ku 16 për qind e të pyeturve kanë pohuar se nuk kanë pasur mundësi të kryejnë pagesën, në raport me 9 për qind të boshnjakëve, 14 për qind e shtetasve nga Kosova, 13 për qind e maqedonasve, 14 % e malazezëve dhe 7% për qind të serbëve.
Kujtojmë që kriza e pandemisë këtë vit goditi shumë sektorin e shërbimeve dhe transportit në vend.
Kjo bëri që baret dhe restorantet të ishin sektori i parë që u godit nga efektet e karantinimit, pas masave drastike të marra nga qeveria për të kufizuar përhapjen e infeksionit të Covid-19.
Shumë prej këtyre bizneseve u detyruan të mbylleshin, dhe kjo solli largimin nga puna të shumë personave të punësuar.
Bizneset janë jashtëzakonisht të prekura, pasi kanë qira të larta, dhe ky sektor duhet të përfitojë edhe uljen e TVSH-së.Gjithashtu lëvrimi i kredisë për baret dhe restorantet, në mënyrë që të përgatiten për hapjen e sezonit veror, do të ishte zgjidhja perfekte për përballimin e krizës për këto biznese.
Sipas llogaritjeve paraprake, rezulton se baret dhe restorantet përveç humbjeve që regjistruan gjatë këtyre dy muajve, do iu duhet të harxhojnë mesatarsisht 50 mijë lekë për dezinfektimin total të mjediseve, lyerjen, termometrin elektronik që kushton 100 euro, blerjen e maskave, dorezave, adezivëve për shenjat që ruajnë distancimin social dhe dezinfektantët e duarve
Ndërkohë që edhe transporti u ndikua shumë nga pandemia e COVID-19 dhe shoqatat e transportit refuzuan që të rifillojnë punën pa u plotësuar katër kërkesat e tyre.
1- Të hiqet akciza për naftës dhe taksave për karburantin si sektori i peshkimit.
2- Të ulet TVSH-ja nga 2% në 0% për këtë vit dhe më pas në vitin e ardhshëm të jetë 6%.
3-Rimbursimin e kapacitetit të munguar si pasojë e masave kufizuese.
4- Rimbursimin në burim i kategorive të cilat përfitojnë transport falas
Këto janë vetëm disa nga arsyet se përse shqiptarët mbajnë vendin e parë në rajon si më të varfërit dhe të palumtur financiarisht.
